Biełaruskaja delehacyja voźmie ŭdzieł u viasnovaj siesii MVF
Delehacyja Biełarusi voźmie ŭdzieł u viasnovaj siesii Radaŭ kiraŭnikoŭ Mižnarodnaha valutnaha fondu i hrupy Suśvietnaha banka, jakaja projdzie z 19 pa 21 krasavika ŭ Vašynhtonie. Hetuju infarmacyju BiełTA paćvierdzili ŭ pres-słužbie Nacyjanalnaha banka.
U biełaruskuju delehacyju, jakuju ŭznačalić namieśnik staršyni praŭleńnia Nacyjanalnaha banka Dźmitryj Kalečyc, uvojduć pradstaŭniki ministerstvaŭ ekanomiki, finansaŭ, zamiežnych spraŭ i Banka raźvićcia.
Jak paviedamlałasia sa spasyłkaj na aficyjnaha pradstaŭnika MVF Džery Rajsa, pieramovy ź Biełaruśsiu ab novaj prahramie padtrymki ad MVF praciahnucca ŭ krasaviku ŭ Vašynhtonie. Biełaruś imkniecca da taho, kab pačać novuju prahramu supracoŭnictva ź Mižnarodnym valutnym fondam u pieršaj pałovie 2017 hoda. Raniej zajaŭlałasia, što kraina raźličvaje na pradastaŭleńnie fondam $ 3,5 młrd.
