Chulihan raspyliŭ ślozaciečny haz u tralejbusie ŭ Breście
Pra heta paviedamiŭ karespandentu BiełTA aficyjny pradstaŭnik UUS abłvykankama Siarhiej Dučenka.
Incydent adbyŭsia 15 krasavika. U 17.20 u RAUS źviarnulisia dźvie staršakłaśnicy adnoj z bresckich škoł 2000 hoda naradžeńnia. Dziaŭčaty paviedamili, što paŭhadziny tamu jany jechali ŭ tralejbusie №1. Pamiž prypynkami «Praśpiekt Mašerava» i «Techničny univiersitet» nieviadomy małady čałaviek z chulihanskich mierkavańniaŭ raspyliŭ u ich bok z bałončyka ślozaciečny haz.
Supracoŭniki milicyi pa haračych śladach zatrymali chulihana. Ustanoŭlena, što złačynstva ździejśniŭ navučeniec Kobrynskaha liceja śfiery absłuhoŭvańnia 2001 hoda naradžeńnia, žychar vioski Bulkava Bresckaha rajona. Chłopiec zatrymany, bałončyk kanfiskavany. Zaviedziena kryminalnaja sprava pa č.3 art.339 KK (chulihanstva).
