ZŠA skinuli na pazicyi isłamistaŭ u Afhanistanie «maci ŭsich bombaŭ»
ZŠA skinuli najbujniejšuju ŭ svaim arsienale niajadziernuju bombu na pazicyi bajevikoŭ ID u Afhanistanie, paviedamili ŭ Pientahonie.
Getty
Pavodle infarmacyi, pradstaŭlenaj vajennym viedamstvam, havorka idzie ab bombie GBU-43/B Massive Ordnance Air Blast Bomb (MOAB). Hetaja bomba taksama viadomaja pad nazvaj Mother of All Bombs («Maci ŭsich bombaŭ»).
Bomba GBU-43, daŭžynioj dzieviać mietraŭ i vahoj amal 10 ton, była ŭpieršyniu pratestavanaja ŭ 2003 hodzie i raniej u bajavych umovach nie ŭžyvałasia, piša VVS.
Jaje skinuli na kompleks tunelaŭ, jakija vykarystoŭvajucca bajevikami ekstremisckaj arhanizacyi «Isłamskaja dziaržava» ŭ rajonie Ačyn u pravincyi Nanhachar niedaloka ad miažy z Pakistanam.
Reuters
Jak skazaŭ kamandujučy amierykanskimi vojskami ŭ Afhanistanie hienierał Džon Nikałsan, «džychadzisckija hrupoŭki niasuć straty, i dziela taho, kab adstajać svaje pazicyi, jany vykarystoŭvajuć samarobnyja vybuchovyja pryłady, bunkiery i tuneli».
«Heta samy prydatny bojeprypas dla źniščeńnia pieraškod i padtrymańnia tempaŭ našaha nastupu», — zajaviŭ amierykanski hienierał.
