Sprava Arbuzava: 12 zatrymanych, mierkavanaja škoda bolš za 120 miljonaŭ rubloŭ
Departamient finansavych rasśledavańniaŭ Kamiteta dziaržkantrolu sumiesna z Departamientam finansavaha manitorynhu KDK u ramkach procidziejańnia złačynstvam u ekanamičnaj śfiery, jakija nosiać sistemny charaktar, vyjaviŭ i spyniŭ maštabnuju supraćpraŭnuju dziejnaść staršyni savieta dyrektaraŭ hrupy kampanij Fenox Global Group Vitala Arbuzava i šerahu słužbovych asob biełaruskich subjektaŭ haspadarańnia, paviedamlaje Tut.by sa spasyłkaj na pres-słužbu KDK.
zautra.by
Zatrymany 12 krasavika Arbuzaŭ padazrajecca ŭ ažyćciaŭleńni z 2010 hoda supraćpraŭnaj dziejnaści, źviazanaj z uchileńniem ad vypłaty padatkaŭ, a taksama niepravamiernym atrymańniem ź biudžetu padatku na dabaŭlenuju vartaść. U pryvatnaści, paviedamlaje KDK, padkantrolnyja jamu biełaruskija pradpryjemstvy, pa-pieršaje, zavyšali ŭ razy košt impartavanaj pradukcyi, što dazvalała im pavialičvać vydatki i pamianšać padatkaabkładanuju bazu dla vypłaty padatkaŭ. Pa-druhoje, realizoŭvajučy ŭ Biełarusi, Rasii, Ukrainie pradukcyju za najaŭny raźlik, jany afarmlali dakumienty na ekspart tavaraŭ pa zanižanym košcie, što dazvalała nie tolki zanižać vyručku, ale i viartać ź biudžetu PDV. Nabytyja tavary realizoŭvalisia taksama ŭ adras bujnych pramysłovych pradpryjemstvaŭ u Biełarusi, MAZa, MZKC, «Pielenh», a taksama ŭ Rasii, što paśla ŭpłyvała na košt vyrablenaj imi pradukcyi.
«Zanižeńnie vyručki i zavyšeńnie vydatkaŭ dazvalała pradpryjemstvam niezakonna źvieści da minimumu pamier vypłačvajemych imi padatkaŭ, faktyčna pieraličvajučy ŭ biudžet tolki padachodny padatak i adličeńni ŭ fond sacyjalnaj abarony nasielnictva z zarabotnaj płaty svaich rabotnikaŭ. Pry hetym dadatkova da naličanaj rabotnikam taksama vypłačvałasia zarabotnaja płata «ŭ kanviertach» ŭ sumach ad 2 tysiač rubloŭ», — havorycca ŭ paviedamleńni.
Ustanoŭlenaja na padstavie sabranych materyjałaŭ suma niavypłačanych padatkaŭ skłała bolš za 100 młn rubloŭ, a suma niezakonna viernutaha ź biudžetu PDV — bolš za 20 młn rubloŭ.
Pa hetych faktach departamient raspačaŭ 8 kryminalnych spraŭ pa častkach 1 — 4 artykuła 210 (kradziež šlacham złoŭžyvańnia słužbovymi paŭnamoctvami) Kryminalnaha kodeksa, a taksama 11 kryminalnych spraŭ pa častkach 1 i 2 artykuła 243 (uchileńnie ad vypłaty sum padatkaŭ, zboraŭ) KK. Padazravanymi pa kryminalnych spravach pryznana 18 čałaviek, 12 ź jakich zatrymanyja.
«U chodzie praviadzieńnia nieadkładnych śledčych i inšych pracesualnych dziejańniaŭ pa kryminalnych spravach kanfiskavanyja buchhałtarskija dakumienty, kampjutarnaja technika i inšyja nośbity infarmacyi, jakija ŭtrymlivajuć źviestki, što charaktaryzujuć złačynnuju dziejnaść padazravanych asob, a taksama zamiežnaja valuta na ahulnuju sumu bolš za 115 tysiač dalaraŭ u ekvivalencie», — havorycca ŭ paviedamleńni.
Akramia taho, prypynienyja raschodnyja apieracyi pa raźlikovych rachunkach pradpryjemstvaŭ, vykarystanych dla ździajśnieńnia złačynstvaŭ, na jakich zabłakavana ŭ ekvivalencie bolš za 3,5 młn rubloŭ.
Z metaj kampiensacyi škody, naniesienaj dziaržavie ŭ vyhladzie niavypłačanych padatkaŭ, a taksama viernutaha PDV na majomaść padazravanych, u tym liku darahija abjekty nieruchomaści (katedžy, kvatery) i aŭtamabili, nakładzieny aryšt.
U ciapierašni čas pa raspačatych kryminalnych spravach viadziecca papiaredniaje rasśledavańnie.
Arbuzaŭ, № 11 u top-200 samych upłyvovych biełaruskich biźniesmienaŭ pa viersii «Ježiednievnika», źjaŭlajecca staršynioj savieta dyrektaraŭ Fenox Global Group, staršynioj rady dyrektaraŭ Fenox Venture Capital. U chołdynh Fenox uvachodziać, u pryvatnaści, Fenox Automative Somponents (vytvorčaść i raspaŭsiudžvańnie aŭtakampanientaŭ), Fenox Retail (sietka charčovych kramaŭ Preston), Fenox Construction (inviestycyi ŭ nieruchomaść).
