Antrapałahičny šok: Biełaruś paśla Čarnobyla
Čaćviertaje pasiedžańnie «Kłub vusnaha historyka» budzie pryśviečana Čarnobylskaj katastrofie.
Kožnaja hadavina Čarnobylskaj katastrofy prymušaje čarhovy raz padumać, ci zrabili my jakija-kolviek vysnovy z toj strašnaj padziei i ci vyrašyli ź vialikaj kolkaści prablem choć jakuju častku.
Adnak, kožnaja sproba razmaŭlać na temu postčarnobylskaha śvietu vyjaŭlaje važnuju akaličnaść: my nie možam dumać pra budučyniu, pakul nie raźbiaremsia ź minułym.
Tak skłałasia, što Čarnobyl nikoli nie byŭ u mejnstrymie humanitarystyki: historyki, sacyjołahi, fiłosafy cikavilisia hetaj temaj mała i čas ad času. Paradaksalna, ale pa-za dyskursam apynulisia hałoŭnyja hieroi — ludzi, jakija na svaje vočy byčyli tyja padziei i sami ŭ ich udzielničali. Nie prosta śviedki času, ale śviedki sacyjalnaha, palityčnaha i ekałahičnaha pierałomu. Tamu ŭsio jašče aktualnaj zastajecca praca sa śviedkami, bo biez hetaha prosta niemahčyma budzie pabačyć poŭnuju karcinu.
Mienavita ŭspaminy buduć u centry dakłada historyka Alaksandra Dałhoŭskaha, jaki daśleduje Čarnobyl i jaho nastupstvy nie tolki ŭ archivach i biblijatekach, ale i ŭ intervju ź ludźmi.
«Antrapałahičny šok? Reakcyi ŭ BSSR na Čarnobylskuju katastrofu» — tak nazyvajecca dakład, ź jakim płanuje vystupić daśledčyk. Jak uspryniała nasielnictva Biełarusi Čarnobylskuju katastrofu, jak funkcyjavaŭ saviecki kryzisny menedžmient i jak ŭdałosia va ŭmovach palityki hałosnaści i pierabudovy zamoŭčvać nastupstvy trahiedyi — voś jaho hałoŭnyja punkty.
Ekałahičny aktyvist Uładzimir Vałodzin raskaža pra inicyjatyvy, što ŭźnikli paśla avaryi i praciahvajuć isnavać zaraz. Jakim kirunkam udałosia dasiahnuć najbolšaha pośpiechu, i što zastałosia pa-za ŭvahaj daśledčykaŭ i aktyvistaŭ. Akrom taho, raskaža Uładzimier Vałodzin i pra asobaŭ, jakija stajali la vytokaŭ postčarnobylskich arhanizacyj.
Maderatar sustrečy — Iryna Kaštalan.
Pasiedžańnie adbudziecca 21 krasavika ŭ 18.30 u Histaryčnaj majsterni (vuł. Suchaja, 25). Uvachod volny.
