Rasijskaja Dziaržduma padtrymała pieranos prezidenckich vybaraŭ na dzień anieksii Kryma
Dziaržduma RF padtrymała ŭ pieršym čytańni papraŭki ŭ vybarčaje zakanadaŭstva, jakija praduhledžvajuć pieranos vybaraŭ prezidenta Rasii ŭ 2018 hodzie z 11 na 18 sakavika — heta značyć, na hadavinu anieksii Kryma, paviedamlaje VVS.
«Za» prahałasavali 333 deputaty z 450. Frakcyja KPRF, nasupierak abiacańniam, nie hałasavała «suprać», a nie ŭdzielničała ŭ hałasavańni zusim.
Papraŭki ŭnieśli ŭ Dziarždumu sienatary Andrej Klišas i Anatol Šyrokaŭ. U pakiecie zakonaprajektaŭ taksama prapanujecca admianić vykarystańnie na vybarach admacavalnych paśviedčańniaŭ, pašyryć mahčymaści naziralnikaŭ i žurnalistaŭ, dazvolić videanazirańnie za vybarami.
Palitołahi i deputaty apazicyjnych frakcyj adznačali, što pieranos vybaraŭ źviazany z žadańniem pavysić jaŭku. raniej adznačyŭ, što aŭtary papravak nie imknulisia pieranieści dzień hałasavańnia mienavita na datu anieksii Kryma.
Adnak, pradstaŭlajučy zakonaprajekty, Klišas nazvaŭ supadzieńnie vybaraŭ prezidenta z hadavinaj dałučeńnia Kryma «pazityŭnym», bo jano «mieła šyrokuju hramadskuju padtrymku».
