«Manaka» prapanavaŭ pieranieści matč z «Barusijaj» na subotu
Kiraŭnictva «Manaka» prapanavała pieranieści praviadzieńnie čverćfinalnaha matču Lihi čempijonaŭ suprać dortmundskaj «Barusii» ź sierady na subotu.
U «Manaka» nie ličać pravilnym praviadzieńnie hulni na nastupny dzień paśla vybuchaŭ. Pavodle infarmacyi L'Equipe, dyrektar kłuba pa kamunikacyjach Bruna Skrapieta padaŭ u UEFA zajavu ab pieranosie matču na subotu. Zajaŭku pavinny razhledzieć siońnia apoŭdni pa miascovym časie.
«Mahčyma, nie lepšaje rašeńnie hulać na nastupny dzień paśla incydentu takoha maštabu», - skazaŭ prync Manaka Albier II.
Nahadajem, što ŭčora pierad samym pačatkam matča kala aŭtobusa «Barusii» — kłub jechaŭ z hatela na matč — adbylisia try vybuchi. Paciarpieŭ u tym liku palicejski, jaki supravadžaŭ na matacykle aŭtobus. Hulnia była admieniena.
U chodzie pres-kanfierencyi pradstaŭniki palicyi nazvali zdareńnie «metanakiravanym napadam» na futbolny kłub, sprava rasśledujecca jak zamach na zabojstva. Pry hetym padkreślivajecca, što ŭ śpiecsłužby pakul niama padstaŭ ličyć napad teraktam.