Trusy i majki — 6 par, nasoŭki — 12 štuk: sakretny padarunak Chruščova Haharynu
12 krasavika 1961 hoda čałaviek upieršyniu palacieŭ u kosmas. Heta byŭ Juryj Haharyn. I za ličanyja dni jon staŭ samym papularnym čałaviekam u śviecie.
Słavutaja haharynskaja ŭśmieška ŭ vačach miljonaŭ zamiežnikaŭ źmiakčała i aśviatlała zmročny abrys Savieckaha Sajuza, jaki jašče nie byŭ nazvany «impieryjaj zła», ale biezumoŭna joj źjaŭlaŭsia.
Na movie tektaničnaj baraćby sistem palot Haharyna značyŭ nastupnaje: «Amieryka, viedaj: my majem mižkantynientalnuju rakietu, zdolnuju nieści jadzierny zarad». Prykładna tak ciapier razmaŭlaje sa śvietam Paŭnočnaja Kareja.
Haharynskaja ŭśmieška natchniała i miljony savieckich ludziej. Niahledziačy na hałodnyja bunty, padatki, čerhi za ŭsim na śviecie, kraina voś zapuskaje čałavieka ŭ kosmas. Mnohim heta davała duchoŭnuju aporu: ty niedaremna žyvieš toje žyćcio, u jakoje ciabie zahnali.
I siońnia toj haharynski palot zastajecca adnym sa słupoŭ nastupalnaj nastalhii pa SSSR, składovaj častki novaj impierskaj prapahandy.
Pra toje, jak žyŭ saviecki narod u hod, kali vypraviŭ čałavieka ŭ kosmas, śviedčyć adzin cikavy dakumient — «Rasparadžeńnie Rady Ministraŭ SSSR pra padarunki Ju. A. Haharynu. № 1037rs 18 krasavika 1961 h. Sakretna».
Pieršy saviecki kasmanaŭt atrymaŭ za palot vializnyja premijalnyja — 15 tysiač rubloŭ
(siaredni zarobak byŭ 81 rubiel 30 kapiejek u miesiac). Aproč ich, Minabarony dało Haharynu čatyrochpakajovuju kvateru pa miescy słužby.
Ale samy cikavy pryz — kamplekt pobytavych rečaŭ, vydzieleny kasmanaŭtu i jaho rodnym. Śpis kaža bolej za tysiaču słovaŭ:
1. Pryznać nieabchodnym padaryć ad imia Urada SSSR pieršamu lotčyku-kasmanaŭtu SSSR majoru Haharynu Ju. A. i členam jaho siamji aŭtamašynu «Vołha», žyły dom, meblu i ekipiroŭku zhodna z dadatkam.
Adnieści źviazanyja z hetym vydatki na košt reziervovaha fondu Rady Ministraŭ SSSR.
2. Abaviazać Ministerstva abarony SSSR (t.Malinoŭskaha) vyłučyć majoru Haharynu Ju. A. čatyrochpakajovuju kvateru pa miescy słužby.
staršynia
Rady Ministraŭ Sajuza SSR N. Chruščoŭ
sakretna
dadatak
da rasparadžeńnia Rady Ministraŭ SSSR ad 18 krasavika 1961 h. № 1037rs
1. Mebliroŭka spalni, stałovaj, dziciačaj, kabinieta, kuchni
2. Aŭtamašyna «Vołha»
3. Televizar «Rubin»
4. Radyjoła «Luks»
5. Pralnaja mašyna
6. Chaładzilnik
7. Pyłasos
8. Dyvanovyja darožki
9. Pijanina
10. Paścielnaja bializna - 6 kamplektaŭ
11. Koŭdry - 2 štuki
Dla baćkoŭ t. Haharyna Ju. A.
1. Zborny dom z troch pakojaŭ
2. Televizar
3. Radyjopryjomnik
4. Mebla na try pakoi
Ekipiroŭka dla Juryja Alaksiejevič Haharyna
1. Palito demisiezonnaje
2. Palito lohkaje letniaje
3. Płašč
4. Kaściumy - 2 (śvietły i ciomny)
5. Abutak - 2 pary (čornyja i śvietłyja)
6. Kašuli biełyja - 6 štuk
7. Kapialuš - 2
8. Škarpetki - 6 par
9. Bializna spodniaja šaŭkovaja - 6 par
10. Trusy, majki - 6 par
11. Nasoŭki - 12 štuk
12. Halštuki - 6 št.
13. Palčatki - 1 para
14. Elektrabrytva - 1
15. Dva kamplekty vajskovaha abmundziravańnia (paradnaje i paŭsiadzionnaje)
16. Čamadany - 2
Ekipiroŭka dla žonki
1. Palito demisiezonnaje
2. Palito letniaje
3. Płašč
4. Sukienki - 3
5. Čorny kaścium
6. Kapielušy - 2
7. Harnitury - 6
8. Pančochi - 6 par
9. Tufli - 3 pary
10. Sumki žanočyja - 2
11. Palčatki - 2 pary
12. Chustki - 2 (vaŭnianaja i šaŭkovaja)
13. Błuzki - 2 št.
14. Kofta vaŭnianaja - 1 št.
Ekipiroŭka dla dziaciej
1. Łožak dziciačy
2. Dziciačaja kałyska
3. Sukienki vaŭnianyja - 4
4. Palito - 2 (zimovaje i letniaje)
5. Kapialušyki - 2 (zimovy i letni)
6. Abutak - 4 pary
7. Bializna - 6 par
8. Lalki, cacki
9. Dziciačaje prydadzienaje
Ekipiroŭka dla maci
1. Palito letniaje
2. Palito zimovaje
3. Płašč - 1
4. Sukienki - 2
5. Chustka puchovaja
6. Tufli - 2 pary
7. Bializnu - 6 par
8. Pančochi - 6 par
9. Kofta vaŭnianaja - 1 št.
Ekipiroŭka dla baćki
1. Palito letniaje
2. Palito zimovaje
3. Płašč
4. Furažka
5. Bializna - 6 par
6. Kašuli - 6 štuk
7. Kaścium - 2 (ciomna-šery i ciomny)
8. Čaraviki - 2 pary (śvietłyja i ciomnyja)
9. Halštuki - 4
10. Nasoŭki - 6 št.
11. Škarpetki - 6 par
Dvum bratam i siastry t. Haharyna Ju. A. - pa 1000 rubloŭ.
Kiraŭnik spravaŭ
Rady Ministraŭ SSSR H. Ściapanaŭ
Kiraŭnik zvyšdziaržavy sakretnym rasparadžeńniem premiruje samaha viadomaha ŭ śviecie čałavieka škarpetkami, nasoŭkami, tuflami.
I takija samyja kamplekty atrymlivajuć jaho rodnyja. Budziem spadziavacca, pamiery padyšli i ničoha nie daviałosia pierašyvać.
