U Osła aryštavany 17-hadovy rasijanin u suviazi sa znojdzienaj bombaj

U stalicy Narvehii Osła aryštavany 17-hadovy rasijanin pavodle padazreńnia ŭ arhanizacyi vybuchu. Pra heta paviedamiła pradstaŭnica narveskaj palicyi.

Pavodle palicejskich, zatrymany byŭ im viadomy, raniej jon vykazvaŭ sympatyi na adras bajevikoŭ «isłamskaj dziaržavy», paviedamlaje Bi-Bi-Si.

Aryšt byŭ ździejśnieny paśla taho, jak u noč na niadzielu palicyja Osła vyjaviła ŭ centry horadu i abiasškodziła vybuchovaje prystasavańnie «prymityŭnaj zborki», jak paviedamili eksperty.

Narveskija ŭłady padvysili ŭ niadzielu ŭzrovień terarystyčnaj pahrozy ŭ krainie. Jak paviedamiła na pres-kanferencyi kiraŭnica specsłužbaŭ Narvehii PST Benedykta Bjornland, ryzyka napadu ŭ bližejšyja miesiacy padvyšanaja z «dapuščalnaj» da «vierahodnaj».

0

0

0

0

0

0