Śledčyja šukajuć klijentaŭ masažysta-nielehała: paśla jaho sieansu pamierła babula
Śledčy kamitet zaklikaje adhuknucca klijentaŭ masažysta Vasila Hramoviča z Hrodna. Mužčyna nie mieŭ ani miedycynskaj adukacyi, ani licenzii na masažnuju dziejnaść. A adzin ź sieansaŭ uvohule skončyŭsia trahična.
Vasil Hramovič. Fota pradastaŭlena Śledčym kamitetam
U ździajśnieńni złačynstva padazrajecca 36-hadovy nidzie niepracujučy žychar Hrodna Vasil Barysavič Hramovič. U śniežni 2016 hoda, praz raźmiaščeńnie ŭ internecie abjavy i pa damoŭlenaści sa źviazanym ź im hramadzianami, jon pravodziŭ sieansy masažu i lačebnaj himnastyki. Adnoj z klijentak była piensijanierka 1928 hoda naradžeńnia. Paśla pracedury ŭ žančyny rezka pahoršyŭsia stan zdaroŭja i jaje špitalizavali. Praz tydzień jana pamierła.
Pa abstavinach taho, što adbyłosia dapytanyja svajaki i znajomyja pamierłaj žančyny, inšyja hramadzianie. Pryznačanaja dadatkovaja kompleksnaja sudova-miedycynskaja ekśpiertyza. Taksama śledčyja miarkujuć, što pasłuhami Hramoviča mahli karystacca inšyja hramadzianie, moža i tyja, jakija majuć da jaho pretenzii pa jakaści akazanaj dapamohi. Klijentam masažysta prapanujuć im źviarnucca ŭ Hrodzienski mižrajonny adździeł Śledčaha kamiteta, patelefanavaŭšy pa telefonie: 8 (0152) 72-42-65 abo 102.
Sam Vasil Hramovič nie źmieščany pad vartu. Da jaho prymieniena miera pracesualnaha prymusu ŭ vyhladzie abaviazacielstva ab jaŭcy.
Darečy, kali Hramoviča pryznajuć vinavatym u pryčynieńni śmierci pa nieaściarožnaści, to jon moža sieści na 5 hadoŭ.
Raniej da kryminalnaj adkaznaści Hramovič nie pryciahvaŭsia. U apošnija hady mužčyna časova pražyvaŭ u Litvie.
