Historyku Alaksandru Zimnickamu vystavili abvinavačvańnie pa «spravie patryjotaŭ»
Historyk Alaksandr Zimnicki staŭ čarhovym abvinavačanym pa tak zvanaj «spravie patryjotaŭ». Jaho vinavaciać u «navučańni ci inšaj padrychtoŭcy da ŭdziełu ŭ masavych biesparadkach, a taksama finansavańni ci inšym materyjalnym zabieśpiačeńni takoj dziejnaści». Pra heta Jeŭraradyjo paviedamili siabry zatrymanaha.
Padobnyja abvinavačvańni raniej vystavili jašče 16 fihurantam spravy. 5 krasavika takija ž abvinavačvańni pradjaŭlenyja Viktaru Daniłavu i Andreju Dundukovu. Z 29-ci fihurantaŭ spravy ciapier 9 čałaviek znachodziacca na voli.
25-hadovy Alaksandr Zimnicki pracavaŭ navukovym supracoŭnikam Nacyjanalnaha histaryčnaha muzieja, vučyŭsia ŭ aśpirantury Respublikanskaha instytuta vyšejšaj škoły. Pry pieratrusie ŭ Alaksandra byŭ zabrany pnieŭmatyčny pistalet, ale jaho zachoŭvańnie nie źjaŭlajecca parušeńniem zakona.