Minadukacyi zaćvierdziła nižniaje parohavaje značeńnie adznak CT-2017
Ministerstva adukacyi Biełarusi pastanovaj numar 20 ad 16 sakavika 2017 hoda vyznačyła adznaki, jakija pryraŭnoŭvajucca da niezdavalniajučych pa vynikach centralizavanaha teściravańnia ŭ 2017 hodzie, paviedamlaje BIEŁTA sa spasyłkaj na Nacyjanalny centr pravavoj infarmacyi Biełarusi.
Tak, pa biełaruskaj abo ruskaj movie niezdavalniajučymi buduć ličycca adznaki ad 0 da 19 bałaŭ dla fiłałahičnych śpiecyjalnaściej, ad 0 da 9 bałaŭ — dla astatnich śpiecyjalnaściej.
U 2017 hodzie niezdavalniajučymi adznakami ŭstanoŭleny: pa pieršym pradmiecie profilnaha ispytu — matematyka, fizika, chimija, bijałohija — ad 0 da 14 bałaŭ; historyja Biełarusi, suśvietnaja historyja (naviejšy čas), hramadaznaŭstva, hieahrafija, zamiežnyja movy (anhlijskaja, niamieckaja, francuzskaja, ispanskaja, kitajskaja) — ad 0 da 19 bałaŭ; pa druhim pradmiecie profilnaha ispytu — matematyka, fizika, chimija, bijałohija - ad 0 da 9 bałaŭ; historyja Biełarusi, suśvietnaja historyja (naviejšaha času), hieahrafija, zamiežnyja movy (anhlijskaja, niamieckaja, francuzskaja, ispanskaja, kitajskaja) — ad 0 da 14 bałaŭ.
Nižnija parohavyja značeńni adznak CT taksama ŭstanoŭleny pry nabory ŭ VNU, jakija znachodziacca ŭ padparadkavańni Ministerstva abarony, MNS i Dziaržpahrankamiteta, na vajennyja fakultety, na śpiecyjalnaści «vytvorčaść, zachoŭvańnie i pierapracoŭka pradukcyi raślinavodstva», «žyviołahadoŭla, rybavodstva, pčalarstva», «sielskaje budaŭnictva i dobraŭparadkavańnie terytoryj», «mielijaracyja i vodnaja haspadarka», «ahrainžynieryja», a taksama va ŭstanovy vyšejšaj adukacyi, jakija znachodziacca ŭ padparadkavańni MUS (na miescy dadatkovaha naboru). U hetym vypadku da niezdavalniajučych buduć pryraŭnavany adznaki ad 0 da 4 bałaŭ pa takich vučebnych pradmietach, jak biełaruskaja mova, ruskaja mova, matematyka, fizika, chimija, bijałohija, historyja Biełarusi, suśvietnaja historyja (naviejšy čas), hramadaznaŭstva, hieahrafija, zamiežnyja movy (anhlijskaja, niamieckaja, francuzskaja, ispanskaja, kitajskaja).
Pastanova ŭstupaje ŭ siłu 6 krasavika 2017 hoda.