Łukašenka padpisaŭ u Ašchabadzie 11 dakumientaŭ
30 sakavika Alaksandr Łukašenka pravioŭ u Ašchabadzie pieramovy z prezidentam Turkmienistana Hurbanhuły Bierdymuchamiedavym.
president.gov.by
Kiraŭnik Biełarusi zajaviŭ, što naša kraina — «nadziejnaje apiryšča» dla Turkmienistana ŭ Jeŭropie. Minsk hatovy zabiaśpiečyć turkmienaŭ łahistyčnymi centrami dla arhanizacyi pastavak pradukcyi ŭ Jeŭropu. Łukašenka nahadaŭ, što raniej takoj prapanovaj skarystaŭsia Kitaj. Bierdymuchamiedaŭ adznačyŭ uzrastajučaje ŭzajemadziejańnie krain.
Pa vynikach pieramovaŭ kiraŭniki Biełarusi i Turkmienistana pryniali sumiesnuju zajavu, u jakoj adznačyli vysokuju dynamiku miždziaržaŭnaha dyjałohu, paćvierdzili hatoŭnaść pahłyblać dvuchbakovyja adnosiny va ŭsich śfierach. Łukašenka i Bierdymuchamiedaŭ padpisali 11 dakumientaŭ pa raźvićci supracoŭnictva.
Kiraŭniki krain paŭdzielničali ŭ cyrymonii adkryćcia kompleksu budynkaŭ biełaruskaha pasolstva ŭ Ašchabadzie. Na 31 sakavika zapłanavanaje ŭračystaje adkryćcio Harłyckaha horna-ŭzbahačalnaha kambinata, jaki dapamahali budavać biełarusy.
«My ž nie vialikija kapitalisty, jak raniej kazali: schapili i pajšli. My damaŭlalisia, što my prynosim technałohii i navučajem ludziej. I siońnia mnohija turkmieny z honaram mohuć skazać, što jany zasvoili hetyja technałohii», — cytuje słovy Alaksandra Łukašenki jaho pres-słužba.
