50 zatrymanych na Dzień Voli biaspłatna trapiać na kancert Volskaha ŭ Vilni
Arhanizatary kancerta Lavona Volskaha, jaki adbudziecca 8 maja ŭ Vilni, paviedamili, što dajuć 50 biaspłatnych zaprašalnikaŭ dla tych, kamu byli prysudžanyja administratyŭnyja aryšty za ŭdzieł u akcyi na Dzień Voli.
«Ciapier iduć roznyja akcyi padtrymki źniavolenych. My taksama adčuvajem nieabchodnaść padtrymać zrabić niešta, tym bolej, što viedajem, nakolki absurdovymi i nieadekvatnymi byli prysudy. I,da ŭsiaho, my sami chodzim na mitynhi i ŭ luby momant možam apynucca tam, na łavie padsudnych. Spadziajemsia, i nam tady niechta dapamoža», — prakamientavaŭ akcyju Lavon Volski.
Źviartacca pa zaprašalniki treba da 15 krasavika pa kantaktach arhanizataraŭ na sajcie www.turmuz.by. Kali zajavak budzie bolš za 50, pieravahu adtrymajuć tyja, kamu byli prysuždanyja bolšyja terminy.
8 maja ŭ Vilni Lavon Volski razam sa svaim narviežska-biełaruskim kalektyvam pradstavić prahramu «172», u miežach jakoj prahučać lepšyja pieśni za ŭsiu karjeru muzyki: ad hurta «Mroja» da najnoŭšaha solnaha alboma «Psichasamatyka». Praciahłaść kancerta — kala 2,5 hadzin. U prahramie akustyčnaje i elektryčnaje adździaleńni.
Dziakujučy padtrymcy MZS Litvy, na padstavie nabytych u Biełarusi kvitkoŭ na mierapryjemstva biełarusy majuć mahčymaść atrymać biaspłatnyja vizy (biez konsulskaha zboru) z terminam dziejańnia z 7 da 9 traŭnia. Padavać dakumienty možna ŭ Ambasadzie Litvy ŭ Minsku, a taksama vizavych centrach pa ŭsioj krainie (pasłuha płatnaja — 20 jeŭra). Pakrokavaja instrukcyja i aŭtobusnyja tury na kancert — www.turmuz.by.
Kvitki: tancplac — 49 rub., miesca za stolikam — 69 rub..
Prodaž kvitkoŭ biez kamisii: IP Kaśpiarovič D.A., HC «Manietka», vuł. Kulman 9 — pavierch 4, ofis 1. Uvachod: dźviery praviej ad kaviarni Beer & Wine.
***
Prodaž: na sajcie i ŭ kasach Kvitki.by, a taksama ŭ sałonach «Śviaznoj» i «Jevrosieť» pa ŭsioj Biełarusi.
Kłub Vakaris Vilnius — Vilnia, vuł. Stulginskio, 8.
Infalinija ŭ Biełarusi: +375 29 7777 857, +375 29 622 57 20.
