Bolš za 10 mašyn DAI sa stralaninaj hanialisia pa načnym Minsku za maładzionami na BMW
Siońnia nočču ŭ Minsku ekipažy DAI pieraśledvali aŭtamabil BMW. Pa słovach vidavočcaŭ, pahonia pačałasia ŭ Minsku na vulicy Jeŭfrasińni Połackaj, dalej praz Sucharava vyjšła na kalcavuju, zatym na Partyzanski praśpiekt, dalej za horad pa mahiloŭskaj šašy. Zatym aŭtamabil BMW raźviarnuŭsia ŭ bok horada, znoŭ zajechaŭ na Partyzanski praśpiekt. Čytač raspaviadaje, što pa miery pieraśledu aŭtamabila da pahoni dałučałasia ŭsio novyja i novyja ekipažy DAI. BMW sychodziŭ na vialikaj chutkaści.
«Dzieści kala «Biełarusi» na Partyzanskim praśpiekcie BMW začapiŭ adnu mašynu DAI, dalej pahonia pajšła pa vuł. Vaniejeva, praśpiekcie Rakasoŭskaha, Traścianieckaj, potym pradoŭžyłasia ŭ centry horada na vulicach Lenina, Enhielsa, amal dajšoŭ da praśpiekta Niezaležnaści, raźviarnuŭsia ŭ bok Sierabranki, i kali BMW paviarnuŭ na vulicu Smalenskuju, tut jaho i «padbili», jon vylecieŭ na tratuar, i na hetym usio i skončyłasia», — raspavioŭ śviedka. Jon adznačyŭ, što nikoli nie bačyŭ, kab stolki ekipažaŭ pieraśledavali adzin aŭtamabil. «Naličyŭ 14 ekipažaŭ Dva aŭtamabili DAI byli pamiatyja, raźbityja fary, defarmavany dźviery», — adznačyŭ śviedka.
Pavodle jaho słoŭ, padčas pahoni DAI stralała, «adtuliny byli ŭ kryłach, bampiery, u BMW prastrelenyja zadnija koły». U sałonie znachodzilisia chłopiec hadoŭ 25 i dziaŭčyna. «Za rulom znachodziŭsia chłopiec, jany byccam by chacieli pamianiacca miescami, ale nie paśpieli.
Padčas incydentu nichto, zdajecca, nie paciarpieŭ, chłopiec ź dziaŭčynaj cełyja. Ich «spakavali» i pavieźli na ahlad. Praŭda, čamu ŭ BMW pabita łabavoje škło, ja nie viedaju, miarkujučy pa ŭsim, heta vonkavaja ŭvahnutaść.
Hramadzianskija mašyny, zdajecca, nie začapili».