U vychadnyja — daždžy i mokry śnieh
Daždžy i mokry śnieh čakajucca ŭ Biełarusi ŭ vychadnyja, paviedamiła BIEŁTA namieśnik načalnika słužby mietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Śviatłana Rybakova.
Reuters
«Sakavickaje nadvorje kapryznaje, i ŭ hetyja vychadnyja jano znoŭ pahoršycca, tempieraturny fon panizicca. Apadki buduć iści ŭ vyhladzie daždžu i śniehu, tamu ranicaj u niadzielu miescami mahčymy zimovy piejzaž», — skazała sinoptyk.
U piatnicu terytoryja Biełarusi apyniecca pad upłyvam atmaśfiernych frantoŭ. Nočču pieravažna pa paŭdniovaj častcy krainy čakajucca daždžy, ranicaj i dniom u mnohich rajonach projduć karotkačasovyja apadki, u asnoŭnym doždž. Unačy i ranicaj u asobnych rajonach mahčymy słaby tuman. Tempieratura pavietra nočču składzie ad minus 1 da plus 5 hradusaŭ, dniom — 6-12 ciapła.
U subotu ŭnačy budzie biez apadkaŭ, padmarozić. Tempieratura pavietra nočču panizicca da nula - minus 6 hradusaŭ, na asobnych učastkach daroh moža ŭtvarycca hałalodzica. Dniom atmaśfierny front, jaki pieramiaščajecca z Bałtyjskaha mora, abumović na bolšaj častcy terytoryi krainy karotkačasovyja apadki ŭ vyhladzie mokraha śniehu i daždžu. Tempieratura pavietra ŭdzień składzie 2-9 ciapła.
U niadzielu ŭnačy zachavajecca ŭpłyŭ atmaśfiernaha frontu, udzień na terytoryju Biełarusi raspaŭsiudzicca vobłaść pavyšanaha cisku. Nočču na bolšaj častcy terytoryi, dniom pa paŭdniovym uschodzie projduć karotkačasovyja apadki, u asnoŭnym u vyhladzie mokraha śniehu. Unačy i ranicaj na asobnych učastkach daroh čakajecca hałalodzica. Tempieratura pavietra nočču składzie ad minus 4 da plus 2, dniom budzie plus 2-8 hradusaŭ.
U pačatku nastupnaha tydnia nadvorje buduć farmiravać u asnoŭnym atmaśfiernyja franty. Zachavajecca niaŭstojlivaje nadvorje. U paniadziełak i aŭtorak, 27-28 sakavika, pieravažna pa paŭnočna-ŭschodniaj častcy krainy projduć karotkačasovyja apadki (mokry śnieh, doždž). Unačy i ranicaj čakajecca słaby tuman, pa paŭnočnym uschodzie słaby hałalod. Tempieratura pavietra nočču składzie ad minus 3 da plus 4 hradusaŭ. Dniom — 4-11 ciapła, pa zachadzie pavietra prahrejecca da 12-14 hradusaŭ.
