Novy dziaržsakratar ZŠA pryhraziŭ Paŭnočnaj Karei vajnoj
Palityka «stratehičnaha ciarpieńnia» ZŠA ŭ dačynieńni da Paŭnočnaj Karei skončanaja, zajaviŭ dziaržsakratar ZŠA Reks Tylersan padčas vizitu ŭ Sieuł. Heta pieršy vizit novaha dziaržsakratara ŭ Aziju, paviedamlaje Reuters.
Reuters
Na pytańnie ab mahčymaści mier siłavoha ŭździejańnia na Pchieńjan jon adkazaŭ, što ZŠA razhladajuć usie varyjanty.
«Viadoma, my nie chočam davodzić spravu da vajennaha kanfliktu. Ale vidavočna, što kali Paŭnočnaja Kareja raspačnie dziejańni, jakija buduć pahražać paŭdniovakarejskim abo našym vojskam, to adkaz budzie adekvatnym. Kali jaje prahrama ŭzbrajeńniaŭ dasiahnie nastolki pahroźlivaha ŭzroŭniu, što zapatrabuje ad nas vajennych dziejańniaŭ, to ŭ nas jość i hety varyjant», — zajaviŭ dziaržsakratar.
Tylersan taksama prapanavaŭ Kitaju ŭvieści sankcyi suprać Pchieńjana i zaklikaŭ kitajskija ŭłady nie prymać miery ŭ adkaz na raźmiaščeńnie ŭ Paŭdniovaj Karei supraćrakietnaj sistemy THAAD.