«Biełaruś — nie tolki dranikłend». Pačała pracu kulinarnaja anłajn-karta «Haścinija»
Biełaruskaje hramadskaje abjadnańnie «Adpačynak u vioscy» razam sa studentami i mahistrantami BDU zadalisia metaj złamać stereatyp pra biełarusaŭ jak vyklučna bulbašoŭ i zrabili sajt z kafe, chutarami i siadzibami, dzie možna pačastavać stravy nacyjanalnaj kuchni. Admietna, što stvareńnie takoha prajekta padtrymali sami biełarusy, pryniaŭšy ŭdzieł u jaho finansavańni.
Taksama z dapamohaj sajta možna sačyć za smačnymi navinami, šukać hastranamičnyja maršruty, aŭtentyčnyja ajčynnyja recepty (ich užo bolš za 200), daviedacca, dzie ŭ nas možna pasprabavać najlepšuju zubroŭku ci fiermierski syr.
«My — kraina z bahataj kulinarnaj spadčynaj, jakaja zachavałasia ŭ hłybincy i pra jakuju chočacca raskazać usim. Tamu my robim elektronnuju kartu, jakaja budzie pastajanna papaŭniacca novaj infarmacyjaj. Spadziajemsia, što jana budzie cikavaj i žycharam Biełarusi, i turystam, bo dla 30 % padarožnikaŭ ježa —asnoŭnaja matyvacyja dla naviedvańnia inšaj krainy», — kamientuje Valeryja Klicunova, staršynia praŭleńnia biełaruskaha hramadskaha abjadnańnia «Adpačynak u vioscy».