Łukašenka rasparadziŭsia prafinansavać rekanstrukcyju spartyŭnych abjektaŭ da Jeŭrapiejskich hulniaŭ
Alaksandr Łukašenka padpisaŭ rasparadžeńnie ab finansavańni budaŭnictva (rekanstrukcyi) asobnych spartyŭnych abjektaŭ, paviedamili ŭ pres-słužbie biełaruskaha lidara.
U liku takich abjektaŭ budynak Respublikanskaha navukova-praktyčnaha centra sportu, spartyŭna-strałkovy kompleks va Uruččy, šmatprofilnaja spartyŭnaja zała Respublikanskaha vučylišča alimpijskaha reziervu, inžyniernyja sietki i dobraŭparadkavańnie Respublikanskaha centra alimpijskaj padrychtoŭki «Stajki».
Budaŭnictva hetych abjektaŭ było pačata raniej u adpaviednaści z płanami raźvićcia infrastruktury sportu vyšejšych dasiahnieńniaŭ Biełarusi za košt srodkaŭ dziaržaŭnaj inviestycyjnaj prahramy. Jany pryznačajucca dla vučebna-trenirovačnaj raboty spartsmienaŭ nacyjanalnych kamand, navučencaŭ Respublikanskaha vučylišča alimpijskaha reziervu, dziciača-junackich spartyŭnych škoł, a taksama buduć vykarystoŭvacca dla akazańnia fizkulturna-azdaraŭlenčych pasłuh nasielnictvu.
Akramia taho, rasparadžeńniem kiraŭnika dziaržavy praduhledžvajecca zaviaršeńnie budaŭnictva internata numar 2 kompleksu «Studenckaja vioska».
Dla svoječasovaha ŭvodu ŭ ekspłuatacyju nazvanych abjektaŭ, jakija taksama płanujecca zadziejničać pry praviadzieńni II Jeŭrapiejskich hulniaŭ 2019 hoda, buduć pryciahnuty kredytnyja srodki AAT «Bank raźvićcia Respubliki Biełaruś».
