Łukašenka — milicyi: Na lubyja avantury ŭ nas zaŭsiody budzie adekvatny adkaz
Raskałoć biełaruskaje hramadstva i destabilizavać abstanoŭku nie atrymajecca. Ab hetym Alaksandr Łukašenka zajaviŭ 3 sakavika na ŭračystym schodzie, pryśviečanym 100-hodździu ŭtvareńnia biełaruskaj milicyi, pieradaje BIEŁTA.
«Iluzijaŭ siońnia być nie pavinna: raskałoć naša hramadstva i destabilizavać abstanoŭku, a tym bolš akazać na nas jaki b tam ni było cisk ni ŭ koha nie vyjdzie. Ale kožny dzień, kožny hod žadajučych heta zrabić budzie nie mienš. Vy bačycie, što adbyvajecca vakoł. Śviet ašaleŭ. I kali nie zajzdraść, to nierazumieńnie taho, što adbyvajecca ŭ našaj krainie, šturchaje mnohich da taho, kab i my byli takija, jak jany. I voś tut my nie pavinny paści na kaleni. My pavinny ŭtrymać svaju krainu i abaranić svoj narod. i ja ŭpeŭnieny, my heta zrobim, — zajaviŭ kiraŭnik dziaržavy. — Na lubyja avantury ŭ nas zaŭsiody budzie adekvatny adkaz».
Pavodle słoŭ Alaksandra Łukašenki, na MUS i ŭsich pravaachoŭnych strukturach ŭ cełym lažyć vielizarnaja adkaznaść za biaśpieku i stabilnaje raźvićcio Biełarusi.
