U novaj Nokia 3310 budzie kalarovy ekran
U abnoŭlenaj viersii mabilnaha telefona Nokia 3310 budzie kalarovy ekran, paviedamlaje Mashable. Jaho dyjahanal budzie bujniej, čym u aryhinalnaj viersii, vypuščanaj u 2000 hodzie, taksama mohuć źmianicca knopki, jakija zrobiać trochi bolšymi, śćviardžaje vydańnie sa spasyłkaj na nieaficyjnyja dadzienyja.
U astatnim vonkava telefon nie budzie adroźnivacca ad aryhinalnaj Nokia 3310. U prodaž pastupiać telefony roznych koleraŭ, u tym liku ŭ čyrvonym, žoŭtym i zialonym korpusie. Taksama ŭ novaj Nokia 3310 budzie mahčymaść vychadu ŭ internet.
Nijakich inšych techničnych dadzienych pra telefon nieviadoma. Čakajecca, što jon budzie aficyjna pradstaŭleny na vystavie ŭ Barsiełonie 26 lutaha.
«Telefon nie budzie takim «tupym», jak raniej. U jaho, jak miarkujecca, buduć dadatkovyja funkcyi, u tym liku abmiežavany dostup da internetu i inšyja mahčymaści. Tym nie mienš, paŭnavartasnym smartfonam jon nie budzie (što i čakałasia, uličvajučy pamier i mierkavanuju canu ŭ 63 dalary)», — piša Mashable.
***
Aryhinalnaja Nokia 3310 pastupiła ŭ prodaž u 2000 hodzie. Telefon ź minimalnym naboram funkcyj staŭ papularny z-za nadziejnaści i prostaści ŭ vykarystańni, a taksama ŭvajšoŭ u masavuju kulturu jak pryłada, jakuju niemahčyma złamać.