Na miažy ź Litvoj zapracavaŭ novy mižnarodny pamiežny pierachod
Punkt propusku «Łoša—Šumskas» na biełaruska-litoŭskaj miažy pačynaje funkcyjanavać z 17 lutaha ŭ statusie mižnarodnaha, paviedamili BiełTA ŭ Dziaržaŭnym pamiežnym kamitecie. Režym propusku hramadzian usich krain, za vyklučeńniem asob, jakija jeduć u piešym paradku, budzie kruhłasutačnym.
Fota: gpk.gov.by
Miescaznachodžańnie punkta propusku: Hrodzienskaja vobł., Astraviecki r-n, v. Łoša.
Pa ŭzhadnieńni ź litoŭskim bokam, propusk transpartnych srodkaŭ, zarehistravanych pa-za miežami Biełarusi, u punkcie propusku «Łoša—Šumskas» budzie ažyćciaŭlacca pry najaŭnaści paśviedčańnia ŭvozu na transpartny srodak. «Pry adsutnaści hetaha paśviedčańnia transpartnyja srodki buduć nakiroŭvacca ŭ inšyja mižnarodnyja punkty propusku dla jaho afarmleńnia», — rastłumačyli ŭ DPK.
Propusk tavaraŭ budzie pravodzicca ŭ adpaviednaści ź pieralikam i kolkaściu tavaraŭ dla asabistaha karystańnia, što ŭvoziacca ŭ Biełaruś i vyvoziacca ź jaje praz punkty sproščanaha propusku na dziaržaŭnaj miažy ŭ bahažy fizičnych asob.
