U Mahilovie pakažuć nieviadomyja fota časoŭ Druhoj suśvietnaj
U Muziei historyi Mahilova 25 studzienia adkryjecca vystava «Nieviadomy Mahiloŭ», jakaja stała vynikam niekalkich hadoŭ ruplivaj pracy pa zbory i muziejefikacyi vyjavaŭ horada Mahilova na fotazdymkach, zroblenych padčas Druhoj suśvietnaj vajny.
Vialikuju častku pradstaŭlenych fota znajšoŭ i nabyŭ za svoj košt entuzijast historyi horada Aleh David Lisoŭski, jaki sabraŭ bolš za 2000 zdymkaŭ staroha Mahilova. Bolš za 200 z hetych fota buduć pradstaŭlenyja na vystavie, raspavioŭ kalekcyjanier.
Žaŭniery viermachta časta brali fotatechniku z saboj na vajnu i zrabili šmat kaštoŭnych kadraŭ, na jakich akazałasia adlustravanaj historyja Mahilova ŭ hady niamieckaj akupacyi.
«Asablivuju cikavaść vyklikaje sieryja fotazdymkaŭ, zroblenych 10 krasavika 1942 hoda padčas t.zv. «mahiloŭskaha cunami» — trahiedyi na Dubraviency, što zabrała sotni čałaviečych žyćciaŭ.
Siarod fotazdymkaŭ majucca taksama nieviadomyja raniej vyjavy masavaha publičnaha śmiarotnaha pakarańnia na Savieckaj płoščy ŭ krasaviku 1942 hoda. Uvahu vyklikajuć taksama zdymki, zroblenyja sałdatami viermachta na Bujnickim poli padčas bajoŭ u lipieni 1941 hoda», - paviedamlaje staronka muzieja ŭ Facebook.
Taksama fota pakazvajuć histaryčnuju architekturna-płanirovačnuju strukturu horada — užo paciarpiełyja ad vajny, ale ŭsio jašče vieličnyja mahiloŭskija chramy, hramadskija ustanovy i žyłyja damy, jakija nieŭzabavie buduć nazaŭsiody stračanyja.
Adkryćcio vystavy adbudziecca 25 studzienia ŭ 17.00 u Vystavačnaj zale Muzieja historyi Mahilova. Zakryjecca vystava 26 lutaha.
