Kienijskich žančyn zaklikali da seks-bajkotu pierad vybarami
Kienijskaja deputatka zaklikała žančyn nie zajmacca seksam z mužami, pakul tyja nie zarehistravalisia ŭ jakaści vybarščykaŭ na ŭsieahulnych vybarach 8 žniŭnia, piša VVS.
AFP
Mišy Mboka zajaviła, što heta najlepšaja stratehija pa pryciahnieńni apazicyjnych hałasoŭ.
«Žančyny, voś stratehija, jakuju vy pavinny vykarystoŭvać. Heta lepš za ŭsio. Admaŭlajcie im u seksie, pakul jany nie pakažuć vam svaju kartu vybarščyka», — skazała jana.
Rehistracyja vybarščykaŭ zakančvajecca 17 lutaha.
Mboko zajaviła, što seks — mahutnaja zbroja, jakaja moža zaachvocić mužčyn pabiehčy rehistravacca.
Jana ŭdakładniła, što jaje muža bajkot nie zakranie, bo jon užo atrymaŭ svaju kartu vybarščyka, pieradaje vydańnie Standard.
Prezident Kienii Uchuru Kienijata choča pieraabracca na druhi termin, jaho supiernikam stanie kandydat, jaki padtrymlivajecca aljansam apazicyjnych partyj, uklučajučy partyju ODM, u jakuju ŭvachodzić Mišy Mboka.
Mboka zajaviła, što šancy apazicyi na pieramohu na vybarach pavyšajucca, kali zarehistrujecca vialikaja kolkaść vybarščykaŭ.
Heta nie pieršaja sproba paŭpłyvać na palityčnuju situacyju ŭ Kienii z dapamohaj seks-bajkotu.
U 2009 hodzie žančyny-aktyvisty praviali tydniovy seks-strajk, kab pakłaści kaniec kanfliktu pamiž prezidentam Mvai Kibaki i premjer-ministram Raiłaj Adzinhaj.