Novy vid małpaŭ nazvali ŭ honar hieroja «Zornych vojnaŭ»
Hienietyčnaje daśledavańnie paćvierdziła, što biełabrovyja hibony, jakija žyvuć u trapičnych lasach na paŭdniovym zachadzie Kitaja, mocna adroźnivajucca ad subrataŭ i naležać da raniej nieviadomaha navucy vidu prymataŭ, piša VVS.
Tut i nižej fota: Sam Turvey
Zaołahi nazvali novy vid Skajuokieram u honar adnaho z hałoŭnych hierojaŭ znakamitaj kinasahi «Zornyja vojny».
Daśledavańnie hrupy navukoŭcaŭ z Zaałahičnaha tavarystva Łondana apublikavanaje ŭ časopisie American Journal of Primatology.
Novy vid prymataŭ padobny da biełabrovych hibonaŭ chułokaŭ, što žyvuć u džunhlach Azii, u jakich nie tolki biełyja brovy, ale i śvietłaja barada. Adkryty navukoŭcami vid hibonaŭ adroźnivajecca adsutnaściu barady.
Doktar Sem Tarvi z Zaałahičnaha tavarystva Łondana, jaki ŭdzielničaŭ u daśledavańni, rastłumačyŭ, što hibony byli vyjaŭlenyja ŭ rehijonie, dzie kolkaść mnohich žyvioł imkliva skaračajecca z-za zvužeńnia areała pražyvańnia i brakańjerstva.
Pavodle acenki navukoŭcaŭ, u Kitai žyvuć kala 200 hibonaŭ novaha vidu. Papulacyja hetych hibonaŭ jość taksama ŭ Mjanmie, ale dakładny lik asobin nieviadomy. Navukoŭcy papiaredžvajuć, što novy vid hibonaŭ znachodzicca na miažy źniščeńnia.
