Kiraŭniku Apple zrezali zarpłatu praź źnižeńnie prodažaŭ
Kiraŭnik karparacyi Apple Cim Kuk atrymaŭ u minułym finansavym hodzie zarpłaty i bonusaŭ na ahulnuju sumu 8,85 młn dalaraŭ — na 1,55 młn mienš, čym hodam raniej.
Cim Kuk. Fota mstatic.igom.by
Zarpłaty i bonusy ŭsich kiraŭnikoŭ vyšejšaha źviana Apple byli zrezanyja praź źnižeńnie pakazčykaŭ pa prodažach i prybytku, paviedamlaje BBC.
Cim Kuk pry hetym atrymaŭ dadatkovy dachod ad prodažu akcyj kampanii ŭ pamiery 136 młn dalaraŭ.
Finansavy dyrektar Apple Łuka Maestry i starejšy vice-prezident pa roźničnych prodažach Anhieła Arendts atrymali hadavy zarobak u pamiery 23 młn dalaraŭ kožny — na 2 młn mienš, čym u 2015 hodzie.
Infarmacyja pra dachody mieniedžaraŭ źmiaščajecca ŭ dakumientach, pradstaŭlenych kampanijaj amierykanskamu finansavamu rehulataru — dziaržaŭnaj kamisii pa kaštoŭnych papierach i fondavym rynku.
Čysty abjom zbytu Apple letaś skłaŭ 215,6 młrd dalaraŭ — na 7,7% nižej, čym u 2015 hodzie. Apieracyjny prybytak skłaŭ 60 młrd dalaraŭ — na 15,7% nižej pakazčykaŭ papiaredniaha hoda.
