EHU padoŭžyŭ termin pryjomu zajavak na zaniaćcie pasady rektara da 17 studzienia
Jeŭrapiejski humanitarny ŭniviersitet (EHU, Vilnia) padoŭžyŭ termin pryjomu zajavak na zaniaćcie pasady rektara ŭniviersiteta da 17 studzienia, paviedamiŭ kiraŭnik pa kamunikacyjach i markietynhu EHU Maksimas Miłta. Pavodle jaho słoŭ, praciah terminu padačy zajavak byŭ vyklikany adpaviednaj prośbaj z boku kansałtynhavaha ahienctva Mercuri Urval, jakoje budzie pravodzić konkurs ad imia EHU pad ehidaj Šviedskaha ahienctva mižnarodnaha supracoŭnictva ŭ halinie raźvićcia.
«Kaladny siezon — heta pieryjad davoli vysokaj zaniataści jak dla pošuku kandydataŭ, tak i dla samich patencyjnych kandydataŭ na pasadu rektara. Tamu 20 śniežnia i było publična abvieščana ab praciahu terminu pryjomu zajavak. Členy akademičnaj supolnaści EHU byli apavieščanyja ab praciahu terminu pryjomu zajavak padčas apošniaha pasiadžeńnia sienata 22 śniežnia. Uličvajučy, što Naradžeńnie Chrysta mnohimi śviatkujecca jak u śniežni, tak i ŭ studzieni, 17 studzienia było abrana jak termin, jaki dazvolić univiersitetu być maksimalna adkrytym da ŭsich mahčymych kandydataŭ. Takim čynam, zajaŭki prymajucca da 17 studzienia 12.00 pa centralnajeŭrapiejskim časie», — skazaŭ Miłta.
Jon padkreśliŭ, što praciah terminu pryjomu nie źviazany z adsutnaściu aktyŭnaści kandydataŭ. Surazmoŭca admoviŭsia paviedamić, ci jość siarod tych, chto padaŭ zajaŭku, hramadzianie Biełarusi, bo «ŭniviersitet harantuje kanfidencyjnaść u adnosinach da zajavak, padadzienych kandydatami».
Ciapier, skazaŭ Miłta, farmujecca kamitet pa adbory kandydataŭ. U pryvatnaści, 22 śniežnia sienat univiersiteta vybraŭ u kamitet troch čałaviek, uklučajučy člena studenckaha pradstaŭnictva EHU. Univiersitet raźličvaje na pryniaćcie kančatkovaha rašeńnia ahulnym schodam suzasnavalnikaŭ ab pryznačeńni rektara da kanca sakavika, skazaŭ Miłta.
Jak paviedamlałasia raniej, klučavymi kvalifikacyjnymi patrabavańniami da kandydata ź`iaŭlajecca najaŭnaść doktarskaj stupieni (PhD), nie mienš čym 15-hadovy vopyt vykładańnia i navukova-daśledčaj dziejnaści na ŭniviersiteckim uzroŭni, vopyt u halinie mižnarodnaha supracoŭnictva ŭniviersitetaŭ, a taksama minimum piacihadovy vopyt na starejšaj kirujučaj pasadzie ŭ śfiery vyšejšaj adukacyi. Budučy rektar pavinien mieć dośvied pracy sa strukturami Jeŭrapiejskaha sajuza, svabodna vałodać anhlijskaj movaj.
Vałodańnie ruskaj i/abo biełaruskaj movaj uličvajecca ŭ jakaści stanoŭčaha faktaru.
Były rektar EHU Devid Polik, jaki nie vałodaŭ ni ruskaj, ni biełaruskaj movami, zajmaŭ hetuju pasadu z krasavika 2015 hoda da kanca červienia 2016 hoda.
Vykanaŭcam abaviazkaŭ rektara EHU ŭ kastryčniku 2016 hoda byŭ pryznačany datčanin Jorhien Jorhiensen.
