MTS zakryvaje «4G bieźlimit»
Mabilny apieratar MTS paviedamiŭ pra zakryćcio pasłuhi «4G bieźlimit» ź nieabmiežavanym LTE-trafikam. Prapanova stanie niedastupna dla abanientaŭ z 1 studzienia 2017 hoda.
Fota Vadzima Zamiroŭskaha
«Nahadvajem, što ŭ sietki LTE možna vydatkoŭvać trafik, jaki pradastaŭlajecca ŭ ramkach taryfnych płanaŭ i aktualnych internet-pasłuh MTS, a taksama novaj prapanovy apieratara — «Adkryty internet», — adznačyŭ apieratar. — Nijakich dadatkovych dziejańniaŭ dla hetaha nie patrabujecca».
Pasłuha «4G bieźlimit» praduhledžvaje biaspłatnaje vykarystańnie 4G-internetu ŭ nieabmiežavanaj abjomie. Z momantu zapusku LTE i da 15 sakavika hetaha hoda abanienty mahli skarystacca joju biaspłatna. Ciapier jana kaštuje 10 kapiejek u dzień, abo prykładna 3 rubli ŭ miesiac.