Jak ja zdavaŭ makułaturu, abo Adpracoŭka na biržy pracy
Byl.
Takim čynam, mnie zahadana sabrać 5 kh papiery abo 20 kh mietału, možna ryźzio i bitaje škło. Takija ŭmovy znachodžańnia na biržy pracy. Vydadzieny błank, dzie na praciahu dvuch dzion ja pavinien pryjści ŭ arhanizacyju i źbirać usio heta.
Ja, jak zakonapasłuchmiany hramadzianin, pryjšoŭ va ŭkazanaje miesca i znajšoŭ adnaho z namieśnikaŭ arhanizacyi. Pierad pracaj ja paprasiŭ vyklikać sanstancyju dla dazvołu mnie łazić pa pamyjnicach, a taksama milicyju dla dazvołu kraści mietałałom. Padpisać sa mnoj damovu, prajści miedkamisiju, prajści instruktaž pa technicy biaśpieki, vydać śpiacoŭki…
Čynoŭnik pahladzieŭ na mianie i spytaŭ: «Vy chočacie, kab ja zapisaŭ vam zdaču syraviny?» Ja adkazaŭ, što liču ŭsie adpracoŭki niapravilnymi i tamu takija maje dziejańni. Čynoŭnik namalavaŭ mnie 18 kh zamiest 5, pastaviŭ piačatku. Ja adnios daviedku ŭ rajvykankam i taksama vykazaŭ svajo mierkavańnie tavaryšam, jakija kuryrujuć słužbu zaniataści. U adkaz mnie abiacali adpravić kidać hnoj na fiermie.
Nu što ž, mietad abarony vyprabavany, juryst skazaŭ mnie, što ja maju racyju. Patrabujcie ŭsiudy vykanańnia zakonaŭ, hetaha bajacca čynoŭniki bolš za ŭsio. Chopić tryvać samadurstva ŭkazaŭ.
