Novy numar Haradzienskaha hadavika: «ruskaść» i natchnieńnie budaŭnikoŭ
Prezientacyja vynikovaha numara Haradzienskaha hadavika za 2016 hod adbudziecca ŭ Hrodnie ŭ čaćvier 15 śniežnia.
Temaj «Haradzienskaha hadavika-2016» abrana archieałahičnaja spadčyna Harodni. Numar pryśviečany haradzienskamu archieołahu Ryhoru Akinčycu, jaki letaś zaŭčasna pajšoŭ z žyćcia.
Što było krynicaj natchnieńnia haradzienskich budaŭnikoŭ CHII stahodździa? Jak paŭpłyvali na vyhlad Harodni bałharskija dojlidy?
Što kaštoŭnaha vykryła «rekanstrukcyja» horada apošnich hadoŭ?
I jakuju budučyniu Hrodna malavali ŭ svaich płanach i mrojach «zapadnarusy» XIX stahodździa? Pra ŭsio heta ŭ novym numary «Haradzienskaha Hadavika».
Časopis «Haradzienski hadavik» zasnavany haradzienskimi historykami i krajaznaŭcami ŭ 2011 hodzie. Z taho času śviet pabačyli čatyry numary vydańnia. Časopis niaźmienna redahuje viadomy daśledčyk ź Jahiełonskaha univiersitetata, haradzieniec, Jury Hardziejeŭ.
Prezientacyja časopisa i sustreča z aŭtarami numaru adbudziecca 15 śniežnia, u čaćvier, u Centry haradskoha žyćcia pa adrasie: Hrodna, vuł. Savieckaja, 3.
Pačatak a 18.30.
