Premjer Francyi padaje ŭ adstaŭku i budzie bałatavacca ŭ prezidenty
lefigaro.fr
Premjer-ministr Francyi Manuel Vals 5 śniežnia aficyjna abviaściŭ ab namiery ŭdzielničać u vybarach prezidenta krainy ŭ 2017 hodzie. Jon zajaviŭ, što 6 śniežnia sydzie ŭ adstaŭku z pasady premjer-ministra, kab skancentravacca na kampanii, paviedamlajeAssociated Press.
Vals dadaŭ, što ličyć svaju kandydaturu šancam dla prymireńnia raźjadnanych francuzskich levych, pieradaje AFP.
Prajmieryz Sacyjalistyčnaj partyi, ad jakoj maje namier bałatavacca Manuel Vals, pavinny prajści ŭ studzieni 2017 hoda. Raniej ad udziełu ŭ vybarach admoviŭsia prezident Francyi Fransua Aland. Vals ličycca najbolš imaviernym pretendentam na rolu kandydata ad sacyjalistaŭ na budučych vybarach.
Kandydatam ad pravych i centrystaŭ, imavierna, budzie eks-premjer Fransua Fijon, što vyjhraŭ svaje prajmieryz. Taksama bałatavacca buduć Maryn Lo Pen (Nacyjanalny front), były ministr ekanomiki Emaniuel Makron i Žan-Luk Miełanšon ad levych
