Biełaruskaja storubloŭka ŭdzielničaje ŭ konkursie na najlepšuju banknotu śvietu FOTA
Hałoŭnyja kankurenty našych 100 rubloŭ u konkursie «Banknota hoda» — mudrahielistyja hrošy z vaśmi krain śvietu.
Kožny hod Mižnarodnaja asacyjacyja kalekcyjanieraŭ papiarovych hrošaj pravodzić konkurs na najlepšuju banknotu siarod hrošaj, jakija ŭpieršyniu vyjšli ŭ abaračeńnie ŭ biahučym hodzie. Kali ŭ krainie źjaviŭsia ceły kamplekt kupiur (jak u nas), na konkurs traplaje tolki adna, piša kp.by.
Vyłučyć banknotu moža luby siabra asacyjacyi. Našy 100 rubloŭ ź Niaśvižskim zamkam na adnym baku i batlejkaj na advarotnym spadabalisia niamieckamu kalekcyjanieru Frytcu-Jurhienu Simansu.
Fota Siarhieja Hudzilina
Pierš čym dapuścić našu storubloŭku da konkursu, jaje pravieryli na adpaviednaść patrabavańniam. Heta navizna, mastackaja kaštoŭnaść, tvorčy padychod i navat toje, jak u dyzajnie abyhranyja elemienty abarony.
Pakul u biełaruskaj banknoty vosiem kankurentaŭ. Praciŭniki, treba skazać, mocnyja! Siarod ich brytanskija 5 funtaŭ, zroblenyja z płastyku, aŭstralijskija 5 dalaraŭ z prazrystymi vakiencami, šviejcarskija 50 frankaŭ ź niezvyčajnym viertykalnym dyzajnam… Cikava, što na mnohich kupiurach namalavanyja znakamityja ludzi, amal usie — žanočaha połu. Na brytanskich hrošach — viadoma, karaleva Lizavieta, choć bank Šatłandyi vypuściŭ svoj varyjant — ź piśmieńnicaj Nen Šefierd. Ale na aŭstralijskaj kupiury — taksama Lizavieta. Tolki starejšaja i biez karony. Bank Hruzii tradycyjna ŭpryhožyŭ svaje łary carycaj Tamar. Hreta Harbo hladzić na nas sa 100 šviedskich kron. A voś 1000 maldyŭskich rufij upryhožyli pryhožaj marskoj čarapachaj ź piaredniaha boku i kitom — z advarotnaha.
Asacyjacyja prymaje kandydatury da 31 studzienia 2017 hoda. Zatym siabry asacyjacyi prahałasujuć za svajho favaryta, a vyniki my daviedajemsia ŭ krasaviku. Pryzoŭ banknota-pieramožca nie atrymaje, ale pra jaje napišuć bujnyja vydańni dla kalekcyjanieraŭ. Darečy, letaś najlepšaj stała kupiura z Novaj Ziełandyi.
U Aŭstralii kupiura z napaŭprazrystymi vakiencami i vyjavaj karalevy Lizaviety II. Tut i nižej fota: theibns.org
U Anhlii taksama karaleva, tolki starejšaja.
Pry hetym na abarocie anhlijskaj kupiury — Uinstan Čerčyl.
A voś u Šatłandyi nadrukavali svaje funty, z partretam piśmieńnicy Nen Šefierd.
Na novaj šviedskaj kupiury taksama žančyna — aktorka Hreta Harbo.
Novaja Ziełandyja ŭžo pieramahła ŭ hetym konkursie letaś, ale i sioleta ŭ jaje taksama jość kupiura, ź jakoj možna paŭdzielničać.
Na hruzinskaj banknocie — vyjava carycy Tamary.
Na Maldyvach vyrašyli abyścisia bieź ludziej i raźmiaścili na adnym baku marskuju čarapachu…
…a na advarotnym — kita.
U Šviejcaryi kupiury ź niezvyčajnym viertykalnym dyzajnam.
