U Maskvie zahinuŭ 20-hadovy hrosmajstar-ekstremał
Rasijski hrosmajstar, pieramožca junackaha pieršynstva krainy Juryj Jelisiejeŭ zahinuŭ u noč na niadzielu ŭ Maskvie na 21-m hodzie žyćcia. Jak paviedamiŭ siabar niabožčyka Daniił Duboŭ, šachmatyst upaŭ z vyšyni 12 paviercha pry sprobie pieraleźci z akna na bałkon. Abstaviny zdareńnia ŭdakładniaje palicyja, paviedamlaje Gazeta.ru.
Tut i nižej fota z sacsietak
Fakt vyjaŭleńnia cieła maładoha čałavieka z prykmietami padzieńnia z vyšyni ŭžo paćvierdzili ŭ pravaachoŭnych orhanach Maskvy. Jak rastłumačyli ŭ pres-słužbie palicyi, pavodle papiarednich dadzienych, junak pierałaziŭ na bałkon susiedniaj kvatery ŭ domie na Piatnickaj šašy kala 23:30 pa maskoŭskim časie. Na miescy zdareńnia pracuje śledča-apieratyŭnaja hrupa.
Pa niekatoraj infarmacyi, Jelisiejeŭ zajmaŭsia parkuram (ekstremalnaje pieraadoleńnie pieraškod u haradskich umovach) i ŭžo nie ŭ pieršy raz łaziŭ praz bałkony. Śviedčać pra heta fatahrafii, u pryvatnaści, raźmieščanyja ŭ akaŭncie šachmatysta.
Jelisiejeŭ naradziŭsia ŭ 1996 hodzie, byŭ adnym z najbolš pierśpiektyŭnych maładych hrosmajstraŭ Maskvy. U 2015 hodzie padzialiŭ 30-32 miesca na darosłym čempijanacie Rasii ŭ Kalininhradzie. U rejtynhu Mižnarodnaj šachmatnaj fiederacyi (FIDE) jon zajmaŭ 212-je miesca.
