Nacyjanalnaja biblijateka adkryła anłajn-dostup da knih XIV—XVIII stahodździaŭ
U Nacyjanalnaj biblijatecy startavaŭ prajekt «Kniha Biełarusi XIV-XVIII stahodździaŭ»: u anłajn-dostupie majucca kopii poŭnych tekstaŭ dakumientaŭ z fondaŭ Nacyjanalnaj biblijateki, vydadzienych u XIV-XVIII stahodździach. Dakumienty ŭ bazie možna šukać pa aŭtaru, movie, źmiestu, terytoryi i inšych prykmietach, piša onliner.by.
Taksama jość mahčymaść šukać knihi, vydadzienyja ŭ niejkim kankretnym miescy (krainie ci horadzie). Kožnaja pradstaŭlenaja kniha maje svoj «pašpart», jaki raskaža nie tolki pra aŭtara, miesca, hod, movu i tematyku vydańnia, ale i pradstavić šyfr zachoŭvańnia dakumienta ŭ Nacyjanalnaj biblijatecy Biełarusi.
Virtualnyja vystavy paznajomiać z najbolš kaštoŭnymi kalekcyjami. Naprykład, poŭnymi tekstami vydańniaŭ Franciška Skaryny, jakija zachoŭvajucca ŭ fondach NBB. U budučyni jon papoŭnicca knihami z fondaŭ inšych biblijatek, u tym liku zamiežnych.
