Iłan Mask prezientavaŭ niabačnyja soniečnyja batarei
Na prezientacyi ŭ Łos-Andželesie kiraŭnik Tesla Iłan Mask prezientavaŭ soniečnyja batarei budučyni, jakija intehravanyja ŭ strachu doma nastolki, što ich praktyčna nielha ŭbačyć, pieradaje Reuters.
Los Angeles, California, U.S., October 28, 2016. Photo Reuters/Nichola Groomleftright
Kampanija budzie pradavać svaju raspracoŭku ŭ varyjantach bitumnaj čarapicy, teksturavanaha škła i šklanoj plitki. Tesła nie nazvaŭ canu, ale adznačyŭ, što taki dach budzie tańniejšym za tradycyjnuju strachu, zroblenuju ź bitumnaj čarapicy, z asobna ustalavanymi pieraŭtvaralnikami soniečnaj enierhii. Mask vykazaŭ nadzieju, što prezientuje budučyniu, jakoj čakajuć i chočuć jaho klijenty.
Akramia novych batarej Tesla taksama prapanavała udaskanalenuju sistemu akumulacyi soniečnaj enierhii Powerwall 2, jakuju možna vykarystoŭvać i doma, i ŭ ofisnym budynku. Jana raźličana na toje, što sabranaja ciaham śvietłavoha dnia soniečnaja enierhija kanviertujecca ŭ elektraenierhiju i aśviatlaje i abahravaje dom. Powerwall na 14 kVt-hadzin budzie pradavacca sa studzienia 2017 hoda za $ 5,5 tysiač.
Mask pradstaviŭ navinki za try tydni da pryznačanaj na 17 listapada ździełki pa źlićci Tesla Motors i amierykanskaj enierhietyčnaj SolarCity. Kali ździełka adbudziecca, kampanii płanujuć vyrablać dachi-batarei ŭ štacie Ńju-Jork.