U składanaj žyćciovaj situacyi padatak na darmajedstva mohuć i admianić — Ministerstva padatkaŭ
Čałaviek, jaki znachodzicca ŭ niaprostaj žyćciovaj situacyi, moža być vyzvaleny ad vypłaty zboru na finansavańnie dziaržaŭnych vydatkaŭ.
Kadr ź filma «Čarli i šakaładnaja fabryka».
Pra heta raspaviała namieśnik ministra pa padatkach i zborach Śviatłana Šaŭčenka padčas bryfinhu ŭ pres-centry BIEŁTA.
Pavodle słoŭ namieśnika ministra, niahledziačy na toje, što dekretam byli praduhledžany ahulnyja ŭmovy da ŭsich patencyjnych płacielščykaŭ zboru, u asobnych vypadkach čałaviek moža być vyzvaleny ad vypłaty.
Śviatłana Šaŭčenka padkreśliła, što kali čałaviek, jaki źjaŭlajecca płacielščykam zboru, akazaŭsia ŭ niaprostaj žyćciovaj situacyi, maje surjoznyja prablemy ź finansami, to jon moža źviarnucca ŭ miascovyja orhany ŭłady z adpaviednaj prośbaj ab vyzvaleńni ad vypłaty zboru. U vypadku nieabchodnaści, hetaj mahčymaściu moža skarystacca kožny hramadzianin.
Pavodle apošnich źviestak, padatkovyja orhany adpravili ŭžo kala 50 tysiač paviedamleńniaŭ patencyjnym darmajedam.
