Iržavy kluč z «Tytanika» ad šafy z vyratavalnymi kamizelkami pradadzieny z aŭkcyjonu
Iržavy kluč ź lehiendarnaha transatłantyčnaha parachoda «Tytanik», jaki patanuŭ u 1912 hodzie, pradadzieny na aŭkcyjonie za $104 tys., pieradaje foxnews.com.
Fota: Rex Features via AP Images
Padčas katastrofy kluč z łatunievaj birkaj sa štampam «Šafa 14 pałuba F» znachodziŭsia ŭ ściuarda treciaha kłasa Sidni Siedjunary. U hetaj šafie zachoŭvalisia vyratavalnyja kamizelki.
Miarkujučy pa dokazach, atrymanych u chodzie rasśledavańnia katastrofy, Siedjunary znachodziŭsia na pałubie F «Tytanika» u noč hibieli łajniera. Cieła ściuarda i jaho asabistyja rečy, u tym liku i kluč, znojdzienyja ekipažam karabla «Makiej Bieniet», adpravili žoncy ściuarda Mejdž u Sauthiemptan, jakaja była ŭ toj čas ciažarnaja. Syn Siedjunary naradziŭsia ŭ listapadzie 1912 hoda i byŭ nazvany ŭ honar baćki.
Paźniej niekatoryja rečy pa voli syna Siedjunary patrapili ŭ Saŭthiemptanski muziej sudnachodstva, ale kluč zastaŭsia ŭ siamji, a ŭ 1981 hodzie trapiŭ z adnym sa svajakoŭ u Aŭstraliju.
Kluč razam ź miednym jarłyčkom byŭ pradadzieny brytanskim aŭkcyjonnym domam Henry Aldridge & Son za $104 tys.
Paviedamlałasia, što pieršapačatkovaja cana kluča składała ad 36 da 61 tys. dalaraŭ i što pradaviec — pramy naščadak Siedjunary.
