Zołatavalutnyja reziervy Kitaja praciahvajuć padzieńnie, ekspart u vieraśni ŭpaŭ na 10%
Kitaju nie ŭdajecca pierałamić niehatyŭnyja tendencyi ŭ ekanomicy. U vieraśni padzieńnie ekspartu skłała 10% proci pakazčykaŭ vieraśnia 2015 hoda, paviedamlaje Rojterz. Heta našmat horš, čym prahnazavałasia. Horšym za prahnoz stała i padzieńnie impartu, što pakazvaje, što i kitajski ŭnutrany rynak nie kampiensuje padzieńnie popytu na kitajskija tavary ŭ śviecie.
Praciahvajecca i padzieńnie zołatavalutnych zapasaŭ Kitaja. Z rekordnych 3993 młrd u siaredzinie 2014 hoda jany ŭpali da 3166 młrd na pačatak kastryčnika. Pry hetym temp padzieńnia taksama pieravyšaje prahnozny.
Tym nie mienš, vielizarnyja reziervy dazvalajuć kiraŭnictvu Kitaja realizoŭvajuć maštabnuju prahramu padtrymki ekanomiki. U krainie praciahvajecca budaŭničy bum. Mahčyma, Kitaju ŭdasca stabilizavać ekanomiku pry źmianšeńni tempaŭ rostu.
