Napadnik na HC «Jeŭropa» kupiŭ bienzapiłu ŭ aŭtorak
Jeŭraradyjo znajšło kramu, dzie 17-hadovy napadnik na handlovy centr «Jeŭropa» kupiŭ bienzapiłu. Adbyłosia heta za čatyry dni da złačynstva. Razmaŭlajučy z pradaŭcami, jon pavodziŭ siabie spakojna, navat uśmichaŭsia.
Kupiŭ bienzapiłu, siakieru, akulary dla pracy ź bienzapiłoj, kurtku i navušniki. Zapłaciŭ za ŭsio krychu mienš za 1500 denaminavanych rubloŭ.
Supracoŭnik kramy paviedamiŭ, što chłopiec pavodziŭ siabie «adekvatna»: «Krychu zamkniony, pohlad advodziŭ. Narmalna razmaŭlaŭ, niedzie navat uśmichaŭsia. Nie skazaŭ by, što jamu 17 hadoŭ».
Junak u subotu pryjšoŭ u handlovy centr «Jeŭropa» ŭ Minsku ź bienzapiłoj i siakieraj. Padčas napadu jon zabiŭ adnu žančynu i paraniŭ jašče dźviuch. Paśla hetaha jaho zatrymali naviedniki i pradaŭcy. Viadoma, što jon z zamožnaj siamji, student pieršaha kursa adnoj z VNU, žyŭ adzin va ŭłasnaj kvatery. Pierad tym, jak pryjści ŭ «Jeŭropu», napadnik vypiŭ 150 hramaŭ harełki