ZŠA pryhrazili prypynić uzajemadziejańnie z Rasijaj pa Siryi
Dziaržsakratar ZŠA Džon Kiery zajaviŭ, što Vašynhton moža spynić uzajemadziejańnie z Maskvoj pa Siryi, kali siryjskija vojski i rasijskaja avijacyja nie spyniać nastup na horad Alepa.
Jak paviedamiŭ pradstaŭnik dziarždepartamienta Džon Kirbi, hetaje papiaredžańnie było zroblenaje ŭ sieradu padčas telefonnaj razmovy Kiery z kiraŭnikom rasijskaha MZS Siarhiejem Łaŭrovym.
Pa słovach pradstaŭnika dziaržaŭnaha departamienta, Kiery vykazaŭ rasijskamu kalehu hłybokuju zaniepakojenaść u suviazi z tym, što ŭ vyniku vajennych dziejańniaŭ cierpiać mirnyja hramadzianie, padviarhajucca abstrełu balnicy, vadapravody i inšaja haradskaja infrastruktura.
Siryjskaja armija pry padtrymcy rasijskaj avijacyi razharnuła maštabnaje nastupleńnie na Alepa, jaki ličycca aporaj siryjskaj apazicyi. U vyniku masiravanych abstrełaŭ i bambavańniaŭ kala dvuch miljonaŭ žycharoŭ horada zastalisia biez vodazabieśpiačeńnia.
