Alena Anisim prakamientavała zbor podpisaŭ za bieł-čyrvona-bieły ściah, arhanizavany Daškievičam
Namieśnica staršyni Tavarystva biełaruskaj movy, deputatka Pałaty pradstaŭnikoŭ Alena Anisim padtrymała zbor podpisaŭ za ŭklučeńnie nacyjanalnaha ściaha ŭ śpis niemateryjalnych historyka-kulturnych kaštoŭnaściej Biełarusi.
«Biezumoŭna, ja hetuju akcyju padtrymlivaju. Pad hetym ściaham u kancy XX stahodździa naradziłasia naša niezaležnaść, niezaležnaść Biełarusi jak samastojnaj krainy, — skazała Anisim. — U nas, u TBM taksama źbirajuć podpisy za heta, ja svoj užo pakinuła».
Praŭda, udzielničać u zbory podpisaŭ sama Alena Anisim nie płanuje.
«Nie treba leźci va ŭsio, ja tak liču. U nas jość hramada, jakaja heta vydatna robić siońnia. Źmicier Daškievič arhanizavaŭ hety zbor i vielmi dobra im zajmajecca», — paviedamiła jana.
Ci zmoža Anisim niejak dapamahčy pracesu jak deputat?
«Nu, pakul pra heta kazać rana, — adkazała Anisim. — Ale pabačym. Kali budzie mahčymaść zrabić adpaviednyja kroki, to ja ich, kaniečnie, zrablu».