Śledstva: Rakieta, jakaja źbiła Boinh nad Danbasam, dastaŭlena z Rasii
Rajon, adkul mahła być zapuščana rakieta, što źbiła «Boinh»
«Boinh» małajzijskich avijalinij byŭ źbity rakietaj z kompleksu «Buk», raźmieščanaha prykładna za šeść kiłamietraŭ ad horada Śniežnaje. Pra heta pradstaŭniki Mižnarodnaj śledčaj hrupy paviedamili na sustrečy sa svajakami achviaraŭ krušeńnia, paviedamlajuć RTL News i Nos.
Hetaja terytoryja znachodziłasia pad kantrolem prarasijskich sieparatystaŭ.
Vytvorca «Buka» «Ałmaz-Antej» śćviardžaŭ, što rakieta była zapuščana z rajona vioski Zaroščanskaje (jana znachodzicca nižej za Šachciorsk).
Nos asobna udakładniaje, što «Buk» va Ukrainu dastavili z Rasii. Paśla taho, jak «Boinh» byŭ źbity, mašynu viarnuli ŭ RF.
Samalot «Boinh» byŭ źbity nad Ukrainaj 17 lipienia 2014 hoda. U vyniku zahinuli 298 čałaviek, jakija znachodzilisia na borcie.
Śledčyja rekanstrujavali trajektoryju palotu rakiety, sabraŭšy najdrabniejšyja kavałački samalota.
Rasija paśladoŭna admaŭlała svaju datyčnaść da katastrofy i zapuskała ŭ ŚMI roznyja alternatyŭnyja viersii padziej.
