Hulaŭ pa kramie ŭ nacysckaj furažcy: maładziečancu pahražaje štraf za prapahandu nacyzmu
U Maładziečnie zatrymali mužčynu, jaki chadziŭ pa kramie ŭ nacysckim hałaŭnym ubory, načalnik pres-słužby UUS Minskaha abłvykankama Jaŭhien Sačak.
«Pra mužčynu, jaki ŭ kramie pa vulicy Budaŭnikoŭ hulaŭ u furažcy šera-zialonaha koleru z nacysckaj simvolikaj (emblemaj čerapa i arła), u milicyju paviedamili pakupniki. Žychar Maładziečna rastłumačyŭ, što hałaŭny ŭbor nabyŭ u łambardzie. Pryčynaŭ, jakija prymusili jaho nadzieć i pryjści ŭ takim vyhladzie ŭ kramu, jon nie nazvaŭ. Pravodzicca pravierka, a dziejańniam hramadzianina dajecca pravavaja acenka. Pa dadzienych MUS, heta pieršy taki vypadak u krainie», - adznačyli va UUS.
Jaŭhien Sačak dadaŭ, što, chutčej za ŭsio, u dačynieńni da mužčyny budzie składzieny pratakoł pa artykule 17.10 (prapahanda i (abo) publičnaje demanstravańnie, vyrab i (abo) raspaŭsiudžvańnie nacysckaj simvoliki abo atrybutyki) Kodeksa ab administracyjnych pravaparušeńniach. Mužčynu pahražaje štraf u pamiery da 10 BV.
