Patryjarch Kirył padpisaŭ zvarot za poŭnuju zabaronu abortaŭ u Rasii
rbc.ru
Patryjarch Maskoŭski i ŭsioj Rusi ŭ aŭtorak, 27 vieraśnia, pastaviŭ svoj podpis pad tekstam zvarotu, jaki zaklikaje całkam zabaranić aborty na terytoryi Rasii, paviedamlaje pres-słužba patryjarcha.
U paviedamleńni ŭdakładniajecca, što podpisy pad zvarotam źbirajuć ŭdzielniki Ahulnarasijskaha hramadskaha ruchu «Za žyćcio» i ruchu «Pravasłaŭnyja dobraachvotniki». Ź imi patryjarch sustreŭsia siońnia paśla nabaženstva ŭ chramie Archanhieła Michaiła ŭ vioscy Biełavusava ŭ Novaj Maskvie.
Tekst zvarotu byŭ uzhodnieny z patryjaršaj kamisijaj pa pytańniach siamji, abarony maciarynstva i dziacinstva, udakładniajecca ŭ paviedamleńni pres-słužby patryjarcha.
U tekście zvarotu, u pryvatnaści, hučyć zaklik zabaranić chirurhičnaje i miedykamientoznaje pierapynieńnie ciažarnaści, supraćzačatkavyja srodki, jakija vałodajuć abartyŭnym dziejańniem, a taksama dapamožnyja repraduktyŭnyja technałohii, «nieadjemnym składnikam jakich źjaŭlajecca prynižeńnie čałaviečaj hodnaści i zabojstva dziaciej, jakija znachodziacca na pačatkovych etapach embryjanalnaha raźvićcia».
Akramia taho, aŭtary zvarotu prapanujuć zakanadaŭča zamacavać akazańnie materyjalnaj dapamohi ź fiederalnaha biudžetu ciažarnym žančynam i siemjam ź dziećmi.
