Akcyi Twitter uźlacieli na 20% za paŭhadziny
Akcyi servisu mikrabłohaŭ Twitter na Ńju-jorkskaj biržy ŭźlacieli bolš čym na 20% za paŭhadziny na čutkach ab tym, što adrazu niekalki bujnych IT-kampanij płanujuć kupić servis.
Z momantu adkryćcia handlu ŭ 9:30 ranicy da 10-j ranicy košt adnoj akcyi dadaŭ u canie amal 4 dalara, dasiahnuŭšy 22,4 dalara. U pracentnym vyražeńni akcyi vyraśli na 21,26%.
Pra toje, što niekalki technałahičnych hihantaŭ, uklučajučy karparacyju Google, zadumalisia ab nabyćci servisu, paviedamiŭ telekanał CNBC sa spasyłkaj na svaje krynicy. Jašče adzin patencyjny pakupnik Twitter — kampanija Salesforce.com, raspracoŭščyk sistem kiravańnia ŭzajemaadnosinami z klijentami.
3 maja akcyi kampanii Twitter rezka patańnieli, zvaliŭšysia da minimalnaha značeńnia ź listapada 2013 hoda. U chodzie pieršasnaha raźmiaščeńnia (IPO) jany byli acenienyja ŭ 26 dalaraŭ za štuku.
Kolkaść aktyŭnych karystalnikaŭ sacsietki «Tvitar» ciapier składaje kala 320 miljonaŭ čałaviek.
Vyručka kampanii pa vynikach 2015 hoda dasiahnuła 2,2 miljarda dalaraŭ.
U sakaviku 2016 hoda kampanii spoŭniłasia 10 hadoŭ.
