ŚMI: Vierchavod charkaŭskich sieparatystaŭ zabity ŭ restaranie pad Maskvoj
Adzin čałaviek zahinuŭ, druhi atrymaŭ ciažkija ranieńni ŭ vyniku stralaniny ŭ restaranie ŭ padmaskoŭnym pasiołku Horki-2.
Pra heta rasijskamu «Interfaksu» paviedamiła krynica ŭ pravaachoŭnych orhanach.
Pavodle jaje słoŭ, incydent adbyŭsia ŭ paniadziełak uviečary ŭ restaranie «Vietierok».
Nieviadomy mužčyna ŭvajšoŭ u pamiaškańnie ŭstanovy i rasstralaŭ z ahniastrelnaj zbroi dvaich naviedvalnikaŭ, u vyniku čaho adzin ź ich pamior na miescy, a druhi atrymaŭ ciažkija ranieńni, jaho zabrali miedyki.
Paźniej krynica «Interfaksa» ŭ pravaachoŭnych orhanach paviedamiła, što zabitym akazaŭsia kiraŭnik charkaŭskaj sieparatysckaj arhanizacyi «Opłot» Jaŭhien Žylin.
Zhodna ź infarmacyjaj, 40-hadovy Jaŭhien Žylin ad atrymanych ran pamior. Jaho spadarožnik Andrej Kozyraŭ byŭ dastaŭleny ŭ bližejšuju balnicu.
Jak viadoma, ukrainskija pravaachoŭniki padazravali Žylina, u pryvatnaści, u finansavańni terarystyčnych arhanizacyj.
U vieraśnia 2015 hoda SBU zabłakavała niekalki bankaŭskich rachunkaŭ, jakimi karystaŭsia vierchavod terarystyčnaj arhanizacyi «Opłot».
Paviedamlałasia, što ŭsiaho na rachunkach svajakoŭ Žylina ŭ bankaŭskich ustanovach zabłakavana bolš za 1,75 miljona hryŭniaŭ.
