Abvieščany šort-list Bukieraŭskaj premii
Arhkamitet litaraturnaj premii The Man Booker Prize apublikavaŭ karotki śpis pretendentaŭ na ŭznaharodu za 2016 hod.
U šort-list uvajšli tvory šaści aŭtaraŭ: «Rasprodaž» Poła Bici (ZŠA), «Ejlin» Atesy Mošfiech (ZŠA), «Haračaje małako» Debary Levi (Brytanija), «Jaho brudny płan» Hrema Makre Burne (Brytanija), «Nie kažy, što ŭ nas ničoha niama» Madlen Tyjen (Kanada) i «Usio, što ŭjaŭlaje saboj čałaviek» Devida Šałaja (Kanada/Brytanija).
Imia ŭładalnika Bukieraŭskaj premii budzie abvieščana na ŭračystaj cyrymonii 25 kastryčnika. Pieramožca atrymaje ček na 50 tysiač funtaŭ sterlinhaŭ.
Aŭtary knih, jakija trapili ŭ šort-list, ale nie stali pieramožcami, atrymajuć čeki na 2,5 tysiačy funtaŭ kožny, a taksama prava na pieravydańnie vyłučanych na premiju knih u śpiecyjalnym «Bukieraŭskim» afarmleńni.
***
Bukieraŭskaja premija ŭručajecca z 1969 hoda. Pieršapačatkova na jaje mahli pretendavać tolki aŭtary ź Vialikabrytanii, Irłandyi i krain Brytanskaj Sadružnaści. Z 2014 hoda na suiskańnie premii mohuć vyłučacca tvory na anhlijskaj movie aŭtaraŭ i ź inšych krain śvietu, uklučajučy ZŠA.
Premiju The Man Booker Prize za 2015 dni atrymaŭ uradženiec Jamajki Marłon Džejms z ramanam «Karotkaja historyja siami zabojstvaŭ».
