Pad Hancavičami źjaviłasia nieviadomaja śvinaja infiekcyja

U Hancavickim rajonie Brestčyny źjaviłasia nieviadomaja infiekcyja śviniej. Viaskoŭcy vymušanyja pavalna zabivać svaich śviniej. Pieršymi zabili svaju žyviołu žychary viosak Łaktyšy, Čudzin i Budča.

Potym chvaroba pierakinułasia ŭ Lusina, Kukava i Chatyničy, piša Jeŭraradyjo sa spysyłkaj na miascovaje vydańnie «Hancavicki čas». Łakalizavać niebiaśpiečnaje zachvorvańnie nie ŭdałosia.

Vietsłužba rajona zajaŭlaje, što havorka idzie nie pra afrykanskuju čumu śviniej, a pra niejkuju nieviadomuju infiekcyju.

Časovaja vykanaŭca abaviazkaŭ rajonnaha vieterynarnaha lekara Iryna Bujkievič kaža, što śvińni chvarejuć zaŭždy, a ciapier situacyja stała krychu vypraŭlacca. Chvarobu vieterynary vyznačyć nie mohuć, a dezinfiekcyju pravodziać dla prafiłaktyki.

0

0

0

0

0

0