Finski niejrachirurh raspavioŭ pra śmierć mozhu Karymava adrazu paśla insultu
Finski niejrachirurh Jucha Chiernieśnijemi raspavioŭ, što śmierć mozhu prezidenta Isłama Karymava nastupiła amal adrazu paśla insultu. Pa słovach Chiernieśnijemi, kali jon prylacieŭ u Taškient, «pacyjent byŭ faktyčna miortvy, heta była śmierć mozhu».
Pachavańnie Isłama Karymava ŭ Samarkandzie 3 vieraśnia, Reuters.com
Jak raspavioŭ doktar, 27 žniŭnia jamu patelefanavaŭ jaho vučań z Uźbiekistana i paprasiŭ pryjechać. Pa słovach Chiernieśnijemi, jon rabiŭ šmat apieracyj za miažoj, i ŭ hetaj prośbie nie było ničoha niezvyčajnaha. Pa doktara dasłali pryvatny samalot.
Kali Chiernieśnijemi prylacieŭ u Taškient, «apieracyja ŭžo nie mieła na tym etapie sensu». «Ja nie ličyŭ razumnym praciah lačeńnia», — raspavioŭ jon.
Zhodna ź miedycynskim zaklučeńniem, apublikavanym uładami Uźbiekistana, Isłam Karymaŭ byŭ špitalizavany ź insultam 27 žniŭnia. U noč na 28-ha ŭ Taškiencie sabraŭsia kansilium z Rasii, Hiermanii, Manaka, a taksama pryjechaŭ Jucha Chiernieśnijemi ź Finlandyi. «Pa vynikach kansiliumu sumiesna z uźbiekskimi śpiecyjalistami była vyznačana dalejšaja taktyka lačeńnia», — havaryłasia ŭ zaklučeńni. Pa aficyjnych dadzienych, śmierć nastupiła ŭviečary 2 vieraśnia.