U Minsku DAI za parušeńnie praviłaŭ parkoŭki evakujavała Rolls-Royce FOTAFAKT
U Minsku inśpiektary DAI evakujavali za parušeńnie praviłaŭ parkoŭki Rolls-Royce. Pra heta raspaviała pradstaŭnik DAI Centralnaha rajona Anastasija Radźko.
— 32-hadovy mužčyna pryjechaŭ na Rolls-Royce da parku zabavaŭ pa vulicy Arłoŭskaj i pakinuŭ aŭtamabil na tratuary. Inśpiektary, što prybyli na miesca, i evakuatar dastavili aŭtamabil parušalnika na štrafstajanku, — skazali ŭ DAI.
U dačynieńni da parušalnika supracoŭniki DAI skłali dva administracyjnyja pratakoły: za parušeńnie praviłaŭ prypynku i stajanki, a taksama za toje, što ŭ mužčyny nie było pry sabie dakumientaŭ.
Akramia Rolls-Royce ŭ hety dzień na štrafstajanku adpravilisia jašče čatyry aŭtamabili, da administracyjnaj adkaznaści za parušeńnie praviłaŭ parkoŭki pryciahnuli bolš za 10 kiroŭcaŭ.